14
Superficiem externam villosae intestinorum tunicae, qua descripto retiformi strato adhaeret, summa elegantia ac fide delineatam dudum proposuit Cl. Lie- berkuhn; videmus in icone naturam diligentissime imitante venas ab arteriis dispestas, has copiosissimas, omnes fere eiusdem magnitudinis quaquaversus insigniter serpentine flexas et absque regula pluribus in punctis se con jungentes, illas rariores, arteriis ampliores rete arteriosum vere admirabile solitarias perreptare. Consistit, ni fallor, in hac arteriarum et venarum sejunctione proprius liuic tunicae character, etenim arteriae et venae tunicae villosae gcncratim tenuitate non antecellunt eas tunicae vasculosae, quae omnis ordinis vasa, interque ea non pauca longe subtiliora continet, et in omnibus, quae ex vasis conflantur, canalem intestinalem formantibus tunicis venae arterias arcte concomitant, verum ubi ex strato retiformi transitus vasorum in villosam fit, primo incipit dicta utriusque vasis sejunctio, per omnem illius ambitum observanda.
Cum haec vasorum contextio in processulos floccorum formam referentes prolongata se elevat, villi sic dicti intestinorum formantur, talem elevationem per duplicaturas membranae planae fieri, celeberrimorum quoque anatomicorum opinio est; et reapse ubi flocci collapsi solitarii vitro impositi considerantur, duplex stratum retis vasculosi conspicitur, quod etiam in siccatis materia colorata bene repletis observare licet. Interim tamen quotiescunque in diversis animalium generibus tunicam villosam ab incumbentibus stratis detractam puram et perfecte solitariam contemplavi, semper villi incolumes et omnino eiusdem, quam ante separationem habuerant, formae eodemque numero adfuerunt, nec unquam ambarum paginarum explicatione plicaturas solvi observare licuit; nec vasorum distributio perfecta eadem est, quam membrana bases floccorum con- nectens ostendit, subtiliores certe fiunt et arteriae et venae dum in villis assurgunt, et copiosissimis anastomosibus rete delicatissimum efformant.
Villorum intestinalium in diversi generis animalibus et in eiusdem individui canalis intestinalis disjunctis regionibus formam ac magnitudinem admodum variare, sat superque ex Cl. Cl. V. V. Rudolphi*) A. Meckelii**) et Bler-
*) Anatomisch — physiologische Abhandlungen.
**) Ueber die Villosa des Menschen and einiger Thiere im d. Archiv fur die Physiologie V. Band. Ferner
Observationes circa superficiem animalium internam c. t. aen. Bernae 1822. 8.