10
Dum tunica muscularis inter duo liaec strata vasorum sanguifcrorum intercipitur, ah utroque arteriae et venae, astrato interiori maiores, ab exteriori minores eam ipsam ingrediuntur, parenchymatis musculosi partem integrantem constituentes. Ili vasorum subtiles trunculi in pluribus punctis ad membranam muscularem accedunt, eamque intrantes primum lacertos carnosos oblique et transversim percurrunt, interque illos per diramationes arbuscularum formam referentibus disperguntur, ubi autem ad ultimas ramusculorum divisiones perventum est, tenuissima vasa, praeprimis subtilissimae arteriae fibrarum muscularium directionem assumunt, parallele cum illis dispositae. Quae divisionis et distributionis ratio cum in musculis proprie sic dictis omnibusque partibus vere musculosis per omnes animalium classes, quibus ruber vitalis latex in vasis continetur, semper eadem sit, utique signum characteristicum texturae musculosae haberi potest. Igitur quae ad substantiam et conformationem externi fibrarum carnearum ordinis pertinent arteriae, longitudinem intestini intermixtis filis muscularibus metiuntur, quales, ni fallor, etiam observavit Cl. J. Bleuland*) tanquam minimos surculos, qui a consueto sanguiferorum vasculorum distributionis modo deflectentes et diversam plane viam servantes, rubra quoque materia per injectionem impleti per longitudinem intestini decurrunt, quas etiam Tab. prima quodammodo depingit, et quae, uti in interpretatione huius tabulae ait, in media, sive quae mesenterio opposita sit, intestini parte conspiciuntur, in eadem igitur regione, ubi teste IIallero uberiores reperiuntur fibrae rectae. Nec forsitan dubius haesisset Cei. Author circa naturam horum vasorum, si ipsi placuisset praeparatum suum elegantissimum cum praeparatis ventriculi vel cujusvis musculi felici injectione parati comparare. Interiores circulares annulisque similes fibras carneas similiter sequuntur vasa tenerrima, quae cum ipsis ad angulos cum axi plus minus rectos circumducuntur. Interim fateri oportet, rarissime contingere, ut in tubo intestinali humano praecipue infantili injecta materies in haec vascula tunicae musculari propria penetret, eaque perfecte impleta conspicua reddat, quod partim a teneritudine strati muscularis, partim a facilitate, qua injectionis massa subtilissimum vasorum tunicae villosae complexum dilacerando in intestini cavum transsudare amat, derivandum esse suspicor, cuna alias musculorum, cordis et tunicae carneae ipsius ventriculi infantilis injectio levi succedat negotio.
0 Vasculorum in intestinorum tenuium tunicis detegendorum descriptio. Tr. ad Illi. 1797.