72
statim patebit, reticularem vasorum structuram vel in exigua hac trium vix linearum pagina, quatuor saltem varietatibus distingui:
a postrema parte inter x, y. z, 1. tela haec vasculosa retis instar concatenata est, magis antrorsuin inter r. s. x . y . ad ramentorum morem striata, in plicis intra m. q. r . s. in arcus complexa» in iride intra d. e . f* g. serpentino modo radiata.
Neque fortuita haec diversitas est, sed constans atque perpetua.
Praeterea memorabile valde videtur, hac retium vasculosorum forma humano oculo propria, eundem simul a reliquorum animalium oculis discerni; v. c . rete vasorum choroideae in oculo simiae non solum ab humano, sed etiam canino, et luculentius a vitulino differt.
Quare microscopii ope choroideas variorum animalium arte repletas, vel in pagina quartam lineae partem aequante, aeque facile licebit discernere, ac vulgo populum frondibus nudam a quercu, robore, piro, malo, vel alia quacunque arbore, sola ramorum surculorumque dispositione distinguunt. *
Cum nolim hic in anatomiam comparatam descendere, sufficiat rem attigisse, singulari quidem attentione dignam, nec tamen hucusque pertractatam.
E comparatione anterioris faciei iridis cum posteriore, hoc est primae Figurae cum secunda, insignis satis formae retium vasculosorum, praesertim minoris circuli iridis, diversitas apparet.
Porro ubi rete vasculosum tunicae retinae (Fig. 7.) cum parte retis chorioideae* in situ naturali illi contigua, comparaveris, invenies luculentissimum utri usque retis discrimen.
Rete tunicae retinae e teneris quasi filis laxe contextum est, et per arcus copulatum ; rete chorioideae ubivis e crassioribus filamentis densius contextum atque intricatum deprehenditur. Praeterea vasa retis chorioideae crassa sunt et depressa; retis retinae gracilia, sed teretia.
Rete vasorum choroideae ex adulto (Fig. III.) ubi cum infantili (Fig. I. in regione 6. 7. 8.) comparamus, patet, illic trunculos vasorum crassiores quidem et robustiores ramulosque longius expansos et magis quasi explicatos inveniri, tamen peculiarem formam haud mutatam superesse.
Quantum differt ab utraque hac retium specie, per choroideam ac retinam (Fig. 1. et 7.) obvia, rete subtile stellatum tenerorum vasorum capsulae lentis in Figura quinta, et membranae pupillaris in Figura quarta?
Res maximi foret momenti, retia vasorum, saltem in reliquis sensuum organis praecipuisque corporis humani visceribus, simili modo quam diligentissime scrutari
i