PRAEFATIO.
[uas publice hic exhibeo icones oculi humani, e delineationibus oriebantur, tum a me ipso ad privatos usus adumbratis, tum ab aliis pictoribus ad mea haec exempla et ad ipsa archetypa curatissime elaboratis. Etenim ut sani oculi humani fidas magis et accuratiores, quam quae exstabant, mihi compararem icones, quibus tam ad demonstrationes anatomicas, quam potissimum ad perscrutanda oculorum officia eorumque morbos curandos recte uterer, nec tempori, nec operae, nec sumtibus peperci.
Studium hoc sensim iuvarunt et abundantia funerum humanorum, et Chr. Koeckii, egregii artificis, mentisque meae verissimi interpretis industria, tum, muneris publici otium, ac denique auctoritas amicorum, qui de optatis laborum progressibus laetitiam suam mihi significabant.
Factum hinc est, ut plenissimo iconum oculi humani penu instructus, cum ad edendas illas provocarer, facile obtemperarem.
Quicquid itaque habui, certo ordine digessi: quae leviter primis tantum lineis expressa erant, removi: nonnulla contraxi5 et post iteratam picturarum perfectionem et cum archetypis collationem, postque dissecta denuo ad eundem finem plura cadavera, tandem eo perveni, ut absolvisse mihi opus viderer.
In ipsis autem tabulis concinnandis hanc rationem secutus sum:
i