70
EXPLICATIO
TABULAE SEXT A E.
abula haec legitimo ordine quintam sequitur, et huius continuatio haberi potest, quippe quae partes bulbi teneriores oculoque nonnisi armato obvias exhibeat.
Edenda ea assequi id studui, ut subtilissima vasorum retia, prouti in variis bulbi locis se habent, magnitudine satis aucta delinearem, et qua differant inter se, quave consentiant, ostenderem.
Tradit itaque haec Tabula situm, directionem, numerum, magnitudinem, formam nexum et anastomoses vasorum sanguiferorum iridis, tunicae chorioideae, retinae, membranae pupillaris et capsulae lentis crystallinae.
Areolae lineis circumductae super Figura prima, secunda, tertia et septima, veram magnitudinem partis depictae indicant.
Hinc facile apparet, magnitudinem variis gradibus auctam a me proponi. Prima nimirum, secunda, tertia et septima Figura partes vicies quinquies diametro auctas, quarta et quinta quadruplo, sexta duplo tantum maiores offert.
• Qua in re solam perspicuitatem sequutus, eam nonnisi lentis aciem adhibui, quae ad obiiciendos surculos vasorum tenerrimos ultimosque visa est sufficere.
Ultimi, qui quidem visui patent, surculi vasorum sanguiferorum lentis et membranae pupillaris, quadruplo tantum maiores redditi, commode dignosci et prorsus exprimi potuerunt: in vasis contra retinae, ut septima Figura docet;, magnitudo vicies quinquies aucta vix suffecit.
Omnes Tabulae huius Figurae ad exempla delineatae sunt, quorum vasa sanguifera cinnabare subtilissime trito et ichthyocolla commixto ad tantam plenitudinem replevi, ut non solum massa in arterias adacta per venas rediret, sed etiam ut passim inter confertissima vasa vix urii, quod adderes, vasculo locus superesset. Si primam et secundam Figuram intueris, vasa in densius rete implicari seu contexi posse, vix concipies.
Porro singulae Figurae ad specimina recentia seu humida, neque ad praeparata, quae vocant, sicca illa, arefacta, corrugata, aut vernice oblita pictae sunt.
Exempla ad has icones adhibita sedulo in spiritu vini asservo, pluriesque iudi- cibus idoneis collustranda, et cum iconibus comparanda praebui.
Constat, vasa sanguifera cinnabare probe repleta, in membranis corporis humani, siccando et vernice obducendo non solum luculentiora, sed et frequentiora apparere propterea, quod partim parenchyma vasorum expers corrugatur, vasaque attrahit,
m