Sistit ea marginem anteriorem, limites seu terminum retinae, spatium inter retinam et capsulam lentis, anticam lentis capsula sua inclusae faciem, et foramen centrale retinae per humorem vitreum et lentem translucens.
a. b, a . b . a . b. Membrana retina, b. b. b. Margo anticus seu limites retinae. Retinam hic vere terminari, neque ad lentis capsulam usque, multo minus supra eam extendi, eo certius ausim asserere, quo saepius in corporibus humanis summa cura pervestigatis, et ipse vidi, et viderunt exercitatissimi discipuli. In oculis recentibus idem adeo patet, ut dubitationi locus haud sit. At ubi oculi ante disquisitionem aliquamdiu in spiritu vini fuerant repositi, regio c. b . superficiem opacam et languide pallidam acquirit, ut continuatam retinam mentiatur, quippe quae ipsa luci impervia, et pallide albido colore, nunc multo opacior albidiorque apparet. Luculentius hunc retinae terminum casus docet: accidit nempe, ut in bulbo, cuius- modi Figura quinta exhibet, aliquamdiu in spiritu vini suspenso, hic ipse retinae margo a vitreo corpore sponte secedat. Quae quidem separatio non solum circa eundem semper hunc marginem fit, sed ipse etiam retinae solutae margo tam elegans, laevis et acutus est, qualis vix arte queat effingi.
c. Z>. c . b . Corona ciliaris circa lentem a tunica hyaloidea corporis vitrei formata.
Ubi legitime nexa sunt omnia, corona haec in ciliare corpus choroideae (Faltenkranz) , pigmento nigro obductum, ita quadrat, ut alterius sulci eminentiis alterius respondeant. Pliculae enim corporis ciliaris sulcis ciliaris huius coronae insident ibique firmantur. Ut plui imum, post separationem choroideae a corpore vitreo, pigmenti nigri aliquid, quod proprie iridis est, in hac corona ciliari remanet. Quo recentius est bulbus, eo minor pigmenti illius pars coronae adhaeret. In recentissimo bulbo minimae eius reliquiae sunt, eaeque ad solum marginem aequali prorsus copia circumcirca dispersae. Ita in nostra quoque figura se habent.
c.e.e.c.d. Lens cum capsula corpori vitreo adhaerens.
d. Foramen centrale retinae per corpus vitreum et lentem translucens.
e. e . Vasa sanguifera retinae, quae vitreum corpus ac lentem perlucent. Quod
ramificatio horum vasorum, licet eadem sit, quae in Figura quarta, alia quodammodo hic appareat, a refractione lucis in corpore vitreo ac lente pendet, quippe per quae vasa cernuntur.
Talem retinae iconem, quod sciam, nemo ante me dedit.
\