5
oculi pone cutem faciei, veluti post larvam condatur, quo fit, ut lucis radii , qui parvis aut peracutis angulis oculum incidunt, a bulbo flectantur* Pariter prohibetur , quo minus inter ipsum somnum , aut oculo clauso lux palpebras incurrens per spissiorem harum compagem facile 'bulbum afficiat.
Palpebra inferior superiorem vix adeo angustia et exiguitate superat, ac in Europaeis , sed tota latior, crassior, et, quod in vivis animadvertisse mihi visus sum , bulbum oculi versus mobilior est. Quam ob rem lucis radii , qui minoribus angulis a terra oculum versus recellunt, tum latitudine et crassitie , tum maiori mobilitate palpebrae inferioris a bulbo arcentur.
Palpebrarum fissura angustior minus hiat ita, ut et bulbi facies minor pateat. Hinc multi quoque , qui desuper et inferne ad oculum accedunt, lucis radii a bulbo arcentur.
Palpebrarum matgines serpentino magis seu tortuoso more procedunt, et insignius tument; praeterea externum marginis labium subrotundius est, hinc firmius et arctius sibi invicem applicantur.
Cilia utriusque palpebrae magis curvata seu flexa, et densiora, quam apud Europaeos sunt, tantaeque nigritiei ac subtilitatis occurrunt, quantae raro inter Europaeos conflantur; quo fit, ut multi lucis radii a bulbo secludantur.
Coniunctiva oculi tunica subfusca est; certe mihi in Nigritis nunquam tam alba et pellucida occurrit, quam in Europaeis ; hinc oculi illorum turbidi et paululum languentes apparent, ut nostri, fere ubi non nihil inflammati sunt. Num forsan hoc ipso colore oculus a nimio lucis splendore defenditur , dum radii, qui a marginibus palpebrarum recellunt, temperantur ?
Plica lunaris , tertiae animalium palpebrae illud analogon , maior videtur.
Cornea bulbi, caeteroquin maioris> minor videtur, minusque convexa.
Pariter iris per corneam translucens ut plurimum unicolor est, et tam fusci coloris, ut, ubi paullulum e longinquo eam intuemur , pupilla distingui plane nequeat, sed tota iris rotundae maculae nigrae speciem prae se ferat. Quo fit, ut quasi rigeat oculus, eiusque splendor minuatur.
Orbitae osseae, Cl. Bonnio , aeque ac in simiis, in eodem plano positae , quin in nonnullis Aethiopum craniis, simiarum more, propiores sibi accumbere videntur. Quae partim colligere etiam licet ex oculo a fronte depicto Fig. 6., ubi radix nasi idcirco retractior apparet. Hinc quoque fit, ut oculis Aethiopum minor visionis sit campus, eosdemque, caeteris paribus, parciores lucis radii incurrant.
His ita constitutis efficitur, ut Aethiopum oculi in calidissimis Africae regionibus splendidissimos, minimisque angulis a solo repercussos lucis radios facilius
2