I
- 7i
Intima choroideae tunica pigmento nigro repleta, pone crassior, ante gracilescens, in coronam ciliarem et uveam abit, quae ambae laeves ac planae vix ab invicem disterminantur, nisi quod corona ciliaris corpori vitreo, vel zonulae potius hyaloideae pigmenti nigri ope firmiter agglutinetur 8 ), cum uveam contra, atram, liberam, angustam, humor aqueus alluat, iris autern, choroideae argenteae continuatio, ex alboluteo et fusco colore metallice resplendens, usque ad circellum aureatum angustiorem, antrorsum recurvatum corneae adhaeret, rigidissima ne radiis solaribus quidem per vitream lentem concentratis at que in vivum oculum directis vel minimum movenda. Pupilla ampla e viridi nonnunquam fulgens, horizon- taliter parum ovata apice versus canthum internum directo.
Nervus opticus crassus, non cylindricus, sed inde ab orgine insigniter complanatus, vaginam habet fortem, cui interne ligamentum bulbi suspensorium adnectitur. Nervi medulla ex membrana quasi medullari triplicata 9 ) vagina forti involuta constans, externe sclerotices et choroideae crassiliem flexuose penetrans, in caudam quasi, ut in avibus complanata originem praebet retinae forti, usque ad corneam fere procedenti, ubi margine rotundata terminatur.
Ex hac nervi insertione processus quoque excurrit falciformis, niger, versus marginem uveae inferiorem tendens, ubi in campanulam Halleri *). prominentem, pigmento nigro obductam, intus vero albam terminatur. Lenti campanula haec subtus affixa in superiore vero parte ligamento albido latiusculo, satis firmo, cum vitreo corpore connectitur.
Lens globosa, hemisphaerio suo anteriori toto super iridem eminens, corneae quamvis proxima, non tamen ei presse accumbit, neque pupillae aream implet, ita ut radii lucis multi inter lentem et pupillae limbum ad retinam perveniant. Humorem aqueum paucissimum, viscidum, pulchre luteolum in vivo pisce aqua submerso, observavi, cum ob flavedinem facillime a cornea et lente nullo colore tinctis distinguatur. Vitreus parvus, pellucens, humore aqueo aeque ac in camera anteriore, flavo et viscido plerumque circumfunditur.
8) Observante jam Hallero El. Phys. L, XVI. Sect. II. §. 13. p. 381.
g) Ebel observationes neurologicae T. II. fig. II. recusae in Ludwigh script. neurol. minor. Vol. III.
1) ‘‘In trocta et Lucio ab ipsa arteria centrali retinae filum circa vitreum corpus venit et a membrana nigra accessione auctum et ab uvea inque campanulam abit maculatam* intus albam, vasculosam et nerveam , quae acuto suo mucrone lentis crystallinae capsulae sese immittit”. Haller El. Phys. 1 . c.
Rosenthal in Reils Archiv B. X. St. III. Tab. VII. fig. 8. a. Nervum opticum lucii explicatum; fig. 10. a. a. insertionem ejus; fig. g. processum falciformem in campanulam terminatum optime repraesentavit.