70
Vitreus multus unum tantnm corpus pellucidum constituit. Ob lentis parvitatem radii lucis non nulli a cornea tantum humore aqueo et vitreo refracti ad retinam perveniunt, spatium liberum lentem inter et iridis marginem permeantes.
Esocis Lucii oculus.
Lucius, cujus oculum recenter dissectum maxima cura delineavimus, viginti libras pondere aequabat. •—■ Bulbus magnus 5 ), ante, pone atque in lateribus compressus, horizontaliter paulum oblongus. Sclerotica parum crassa, tuberosa, ante dura, ossea fere, in medio cartilaginea, pone autem, ubi cum nervi optici vagina connascit, membranacea et flexilis. Fundus sclerotices ligamento tendinoso, cylindraceo, forti, juxta nervum opticum intus posito orbitae fundo adnectitur. Cornea maxima horizontaliter ovata, parum convexa, margine acutiore a sclerotica orta mox ad lineae usque crassitiem aucta quousque, iridi presse accumbit plana» e regione pupillae concava, rursus in centro non ultra tertiam lineae partem crassa. Haec autem corneae concavitas interna angulo oculi interno propior, quam externo: et facies inde anterior cum facie posteriori minime concentrica apparet. Vix in ullo animali, quod incidi, crassiorem corneam observavi. Conjunctiva eam obducens in spiritu vini facile obscuratur atque albescit} lamina vero media crassior, cartilaginea fere, pel- luciditatem raro amittens, in lamellulas plures findi potest, tunica denique humoris aquei tenerrima perfecte transparens, sponte fere secedens 6 ).
Choroidea admodum crassa tribus quoque laminis constat ab invicem plane diversis. Externa nempe, argentea, coriacea tegit corpus rubrum in fundo oculi circa nervum positurn, sanguinolentum, pulposum, parum fibrosum, ferri equini formam habens 7 ), in tunicam mediam vel vasculosam percrassam, tomentosam quasi abiens, sub retinae margine terminatam.
5) In Lucio bulbus oculi ipso cerebro major cernitur optime in Scarpa de auditu et olfactu. Tab. II. fig. i.
6) Observante jam Cl. Zinnio comment. soc. scient. Gotting. 1754. T. III. p. 191.
7) Haller. Op. minor. T. III. p. 254* descripsit hoc corpus tanquam musculum, cujus fibrae rubrae robustae laminatae directionem oculi sequuntur.
Ev. Home Phil, transact. Y. 1796. cum Hallero pro musculo habet, retinam ad lentem adducente, quoniam nervi finis flexuosus illum retinae motum facile permittat.