4 *
praebet spectaculum. E processuum ciliarium basibus fibrae excurrunt* quae uveam ad marginem pupillae usque eleganter radiatam reddunt. Ex iridis annulo majori fila nigra permulta ad spatium sclerotices inter annu- lum ciliarem corneaeque marginem tendunt, partirn forsan vasculosa, partim cellulosa, undique libera ännulum reticulatum quasi, sectione transversa triangularem efformant, iridi fuscae in peripheria superimpositum x ). Pupilla ampla, subrotunda, nasö proprior quam temporibus.
Nervus opticus tenuis, flexuosus, scleroticae paene in centro 2 ) paulum tantum exterius accedens, unacum vasis ciliaribus circumpositis majori foramine intrat abitque in retinam in fundo tam crassam validamque, ut in oculo diviso neque concidat neque ih rugas abeat. Aeque ac selerotica et choroidea anteriora versus procedens manifesto extenuatur, terminaturque eo loco, quo incipit corona ciliaris.
Lens perfecte fere globosa in medio - corona ciliari cingitur, hemisphaerio antico parumper compresso, corneae proximo, iridem protrudit eminetque e pupilla. Humor aqueus inde, ut in animalibus aquatilibus plurimis, perpaucus, vitreus plurimus.
1) Blumenbach ‘ de oculis leucaethiop. 1. c. F. III»
2) Mem pour servir ä. 1’hist. nat. des anim. I. p. 150. “L’entr^e du neif etoit directe- ment opposee au cristallin dans l’axe de 1’oeil”: idque
Perraurt pro argumento contra Mariotturn habuit, visum non in cboroidea sed in retina vere peragi, cum in foco lentis vel visus distinctissimi loco choroidea deficiat. —• Lentem globosam esse asseruit.
Balaenae Mysticeti oculus.
Balaenam mammalibus adnumerandam esse £x oculi quoque structura judicari licet, qua bellua haec marina minus cum piscibus, quam cum belluis terrestribus e. g, cum elephanto convenit, in parvitate nimirum oculi pro ratione corporis et speciatim capitis, in mole musculorum oculomotoriorum en-ormi, cellulosa rudiori plurima suffulta, et in crassitie tunicarum praeprimis sclerotices ingenti5 in forma autem corneae, iridis atque pupillae bovi, quam elephanto similior.