5 *
Cornea rotunda, convexä, crassa 5 ) superficie interna ampliore, quam externa a sclerotices margine nimirum pro parte tecta apparet.
Choroidea cinerea tapetum habet oblongum, pupillae oppositum, album, margine pulchre viridi cinctum. Choroidea posterius sub retina tenuis, anterius versus iridem parimodo ac sclerotica, cui circulo ciliari lato albicante affigitur, crassescit. Processus ciliares ab ipsa origine admodum prominentes latissimi, membranacei fere, pigmento nigro parum obfuscati, transparentes, apicibus obtusis capsulam lentis attingunt. E circulo ciliari duas lineas a margine corneae interna distante iris excurrit, paulum ante medium oculi expansa eamque ob causam permagna, antrorsum convexa, subtilissima, telae cellulosae nigricantis, vasorumque sanguineorum ope in origine ad scleroticam nectitur, tunc crassescit, rursusque tenerrima in pupillae margine evadit. Facies iridis externa vivide flava, rugosa, fibris circularibus concentricis conspicua, facies posterior uvea dicta, pigmento nigro obfuscata, fibris radiatis a margine externa versus centrum tendentibus insignis. 6 ) Fibrae circulares ad coarctandam, radiatae ad dilatandam pupillam forsan inserviunt. Pupilla contracta fissuram perpendicularem angustam efformat, plerumque tamen oviformis angulo superiore rotundato, inferiore acuto cernitur.
Nervus opticus gracilis äd oculum recte accedens, vagina tenui ad scleroticam adjuncta, angustato extremo sic globo inseritur, ut distantia inter corneam nervique insertionem a parte nasi paulo tantum minor sit, quam ab opposita. Retinae perparvae tenerrimae medulla ad principium ciliarium ligamentorum, quibus adhaeret, perveniens tertiam vix bulbi partem occupat.
Lens magna oculi cefrtro proximä , admodtml globosa, partem anteriorem certo certius convexiorem et majorem habet ac posteriorem. 7 )
5) “Cornea in fele crassissima” Haller El. Phys. L. XVI. Sect. II. §. 6.
ß) Kieser l. c. Tab. I. fig. 2. felis uveam nitide depinxit.
7) Mem. pour servir h Thist. nat. des anirnaux T. I. p. 100. “Le cristallin (du lynx)
avoit sept lignes de diametre et cinq d’epaisseur, dont trois faisoient la convexit^ anterieure et deux la posterieure”. Cum hae mensurae Peraultii quam exactissime cum nostris conveniant, eo minus assentiri possumus Hallero scribenti: El. Phys. L. XVI. Sect. II. §. 19. p. 399. “Lens planissima in priori haemis- phaerio mihi in fele visa est”, quibus in nota d* imo addit: “In leone, leaena, lynce et hystrice et rupicapra anterius convexiorem dicunt Parisini quod mireris et vix credas e felis exemplo, quae de leonis classe est.” — Equidem vero lentem
in fele fera, fele domestica, leone, leaena et lynce manifeste anterius convexiorem
vidi; in hystrice utrimque fere aeque convexam, in rupicapra autem sola inter omnia haec ab Hallero allegata animalia posterius convexiorem re perii. Minus ergo valet, quod habet Haller, op. miuor Tom. III. p. 234. “Lens anterius in quadrupedibus constanter pene plana.”