- 5 I
Choroidea insigni gaudet crassitie facilique negotio in duas finditur laminas vasculosas, quarum externa fusca, circulo ciliari albo lato sciero- ticae adhaeret, interna autem tapeto oblongo ex viridi candido, noctu fulgente *) conspicua redditur. Processus ciliares longi latique coronam efformant lenti accumbentem, minime autem ei affixam, versus nasum an<m- stiorem, quam versus tempora. Iris crassiuscula anterius ferruginea, posterius pulla, radiata. Pupillam mobilissimam, luce fortiori angustatam, perpendiculariter ovalem in vivo lupo observavi.
Nervus opticus pro parvo retinae ambitu crassus externe et inferne oculo inseritur. 4 )
Lens in medio fere globi posita, cornea scilicet paulo tantum propior quam retinae fundo, pone minus convexa, quam ante, humori aqueo multum, vitreo autem parum spatii relinquit.
*) Plinius 11. s. 51. et eaprae lupoque splendent [oculi], lucemque jaculantur.
4) Oculorum lupi anatomiam accuratissimam debemus Hallero ; cum autem in operibus minoribus T. III pag. 228, dixerit: “Omnino multo interius nervus opticus ad oculum (lupi) accedit et minus .ab iride per interiora distat” contrarium me observasse fateri oportet, locum autem, ubi piervus bulbo inseritur, in animalibus speciei ejusdem minime variare constat.
V
Felis Lyncis oculus.
Lyncem visus acie omnia fere animalia quadrupeda superare, ah antiquissimis inde temporibus vulgo credebatur, adeo ut oculi lyncei in proverbium abiissentj quare cum oculos recentes lyncis eximia pulchritudine rarissimaque magnitudine conspicuos obtinuissem, maximo affectus gaudio, omnem in eorum investigatione ac delineatione curam adhibui.
Bulbus ratione capitis permagnus, prominens, perfecte fere globosus in corneae circumferentia parum compressus. Axes oculorum minus ac in aliis quadrupedibus divergentes, anteriora versus prospiciunt.
Sclerotica alba, densa circa corneam, praesertim valida atque crassa *) in loco, ubi desinit retina, gracilescit et in fundo ad dimidiam fere cras- sitiem, quam anterius habet, rursus augetur.
*) Insignem sclerotices circa corneam crassitiem in oculo felino annulo osseo avium comparat CII. Kieser in Himly ophthalm. Bibi. B. II. St. 5. pag. 117.