30
utrinque promente, quos venae anastomosantes, uti in vexillo, conjungunt. Carina in juniore flore monopetala, cucullato- concava, dein fere dipetala, petalis oblongis obtusis concavis, dorso, ubi separantur, tenuissime denticulatis. Nervus primarius in carinae petalis quoque per medium oblique excurrens, lateralibus plurimis subparallelis ope venarum junctis. Rete in omnibus petalis atro-purpurascens.
Staminum tubus bilinearis, albus, tenuis. Filamenta linearia, duas tertias totius longitudinis a se libera, curvata; alterna, uti videtur, longitudine aequalia. Antherae minimae, obcordatae, bilocellares, flavae. Pollen minimum, globosum, in cumulo album.
Pistillum stamina paulo superans, stipitatum, uti illa sursum curvatum. Ovarium quasi lineare, fere duas lineas longum, compressum, viride, virgineum vix torulosum, uniloculare, bi - ad quinqueovulatum, ovulis ope funiculorum brevium, more in Leguininosis solito, affixis; foecundatum in angulo superiore altius lobatum et tandem articulato moniliforme. Stylus teres , viridis. Stigma capitatum, e cellulis granulosis conflatum.
Lomentum quadri-ad sexlineare, bi-ad quinquearticulatum, articulis lentiformibus distinctis, primum intra corollam huc illuc flexis et latere sibi incumbentibus, dein plano- expansis et singulis solutis indehiscentibus , colore helvolo. Semen ovato - lenticulare, cavum articuli replens, fuscidulum, hilo laterali albo. Testa crassiuscula, fuscidula. Embryo curvus; radicula conica obtusa, inter cotyledones cordatas ovatas medio tenuiter sulcatas eminente.
Crescit &o em 31 erringia semperfloreSS gregaria in pratis uliginosis inundatis in Brasiliae Provincia Piauhiensi , a me inventa inter hujus caput Oeiras dictum et fluvium Parnahyba variis locis , altitudine supra mare circiter 700 pedum. Floret a Martio mense inde per totam aestatem pluviam , et vel jam deflorata florum persistentium specie delectat. Inter diu per calidissimas horas obdormit , foliolis imbricatione sursum incubis , floribusque tunc simul nictitantibus.
Observatio.
Soemmerringia, quae situ cotyledonum ipso in semine distincte oppositarum ad illam Hedysa- rearum seriem pertinere, quam De Candollius Euhedysareas nuncupavit, se prodit, proxima est hinc Adesmiae illinc Aeschynomenae, interque haec ipsa genera in systemate militare debet.