77
i
EXPLICATIO
TABULAE SEPTIMAE.
In tabula hac orbita sinistra bene formata, nec non arteriae periorbitae superioris, glandulae lacrymalis situs, structura trochleae pro tendine musculi obliqui superioris oculi, et musculus corrugator superciliorum adumbrantur.
Cum omnes orbitae dissectae facies in eodem plano posita sint, in delineandis iis architectorum more versari licet. /
Figura prima , quae parietem superiorem utriusque orbitae totum contuendum praebet, accurate respondet primae Figurae Tabulae tertiae, quae inferiorem earun-
r
dem orbitarum parietem exhibet.
Pari modo, quo prima Figura huius Tabulae cum prima tertiae congruit, secunda quoque ac tertia Figura, quae parietes orbitae laterales repraesentant, sibi respondent. Utraque illa facies post horizontalem, haec post verticalem conorum orbitae mediorum divisionem patuit.
In quatuor itaque his Figuris, nempe in prima Figura Tabulae tertiae, in prima, secunda et tertia huius Tabulae quatuor orbitae parietes toti a fronte conspiciuntur. Prima Figura Tabulae tertiae inferiorem, Figura prima huius Tabulae superiorem, secunda internum, et tertia externum parietem refert. Caeterum quarta Figura orbitam hanc, a fronte visam, cum ita exhibeat, ut locus, unde adspiciatur, in axem orbitae cadat, designando margini seu ambitui orbitae maxime inservit. Quinque hae icones orbitae ad idem cranium effictae sunt; meque ad delineandas eas Tureae adultioris cranio, cuius orbitae essent spatiosiores et recte prae caeteris formatae, exemplo usum esse, ad primam Figuram Tabulae'tertiae iam asserui.
Quae quidem icones eo magis mihi necessariae visae sunt, cum post editas anno 1746 a magno Campero, magistro meo, infantilis cranii imagines, sed adulti, quod sciam, prodierint nullae.
Neque vero absque his orbitae delineationibus, architectorum more confectis, fieri potest, ut ulla dimensio conorum, ulla axis designatio, ulla consideratio crassitiei parietum, aut de finitimis partibus certum iudicium, ulla magnitudinis, formae, situs et directionis in diversis hominibus ac animalibus comparatio, aut accurata quaedam campi visionis dimensio instituatur.
20