23
Figura sexta et septima.
Pilus longior et brevior, superciliis evulsus, et quadruplo maiori diametro propositus.
«. Uterque nodulo seu bulbo terete, in cute abscondito , orditur,
b . deinde extenuatur, et
c. cylindricus ac serpentinus pergit, donec
d . in tenuem apicem desinat.
Figurae hae distinctam inter formam pilorum superciliarium et ciliarium differentiam monstrant*
Figura octava et nona.
Pilus longus ac brevis ciliorum, evulsus, magnitudine auctus*
a. Ambo e nodulo seu bulbo fusiformi per cutem egrediuntur; deinde
b . multum attenuantur, et lucidiorem colorem induunt, tum
c . sensim crassiores fiunt,
d . donec circa mediam longitudinem ad maximam crassitiem perveniant, postea
e . conici rursus gracilescunt, et tandem
f. apice tenui finiuntur.
Figura decima.
Palpebrae separatae lateris dextri e viro adulto, a postica facie spectatae, cum ' glandula lacrymali, quae paullulum antrorsum reflexa, in anteriore apice membrana coniunctiva tegitur.
In naturali situ inferior haec glandulae lacrymalis superficies est; id quod ex comparatione cum prima Figura Tabulae septimae patet, quippe quae glandulam lacrymalem alius viri adulti ita positam et connexam, ut per naturam est, exhibet.
Cum nulla mihi adhuc oblata sit imago, quae situm, figuram, magnitudinem, structuram et adhaesionem glandulae lacrymalis? eiusque ad palpebram superiorem rationem vere satis atque perspicue referat* huic equidem inopiae edendis quatuor his iconibus, quibus alia in Tabula septima accedit, mederi studui*
Pariter glandulae sebaceae accuratius, quam hucusque vidi, mihi expressae videntur.
Membrana coniunctiva, ut plicae circum canthum internum produnt, a bulbo seiuncta et reclinata est. Plica semilunaris n . n, idcirco pariter recedit, et locum in externo carunculae latere occupat, quae legitimo more posita, u circiter attingeret*