i5
e. f. Fibrarum fasciculi, qui musculo corrugatori superciliorum et frontali immiscentur.
g. Teneriores fibrarum fasciculi, qui ad palpebram superiorem pertinent*
h . Fibrae paullo crassiores, qui infra ligamento palpebrarum et processui nasali maxillae superioris inseruntur*
i. Fibrae , quae nasum versus tendunt.
k. Fibrae tenues, quae ad palpebram inferiorem pertinent, cumque fibris palpebrae superioris circa angulum externum rimae oculorum sub angulis acutis contextae seu commixtae iacent.
l. m . Tenerrimae fibrae tempora versus positae.
m. n. Fibrae, quae genam versus feruntur.
o. o. Fibrae extimae, quae, separatae quasi seu dispersae, remotissimae iacent. p*p» Stipatae fibrae, quae aperturam proximae circumdant, ab Albino musculi proprii, ciliaris , nomine insignitae.
Plenam huius musculi descriptionem in §. 114. Myologiae meae tradidi.
Figura secunda.
Palpebrarum nervi a latere dextro iuvenis octodecim annorum tabe peremti.
E nova plane hac nervorum delineatione luculentissime apparet, palpebrarum nervos praecipue ad primum et secundum ramum quinti paris, nervosque palpebrae superioris ad nervum frontalem sive primum ramum, palpebrae autem inferioris nervos ad nervum infraorbitalem sive secundum ramum pertinere, et horum nervorum fasciculos principes statis fere intervallis inter se distare.
Licet omnem operam adhibuerim, ut, quoquot possem, filis inter secandum parcerem, licetque pictoris et chalcographi insigni dexteritate, contigerit, ut longe plures, quam antecessores, nervorum fibrillas exhibuerim; fatendum est tamen, multa fila hic abesse, quae tunp demum facile reperiuntur et extricantur, ubi palpebram ab interiore, neque, ut hic factum est, ab exteriore facie cultro perscrutaris.
Subtilibus, quae in summa palpebrarum cute positae sunt, fibrillis a nervo quidem faciali ortum ducentibus haud facile parci poterat.
Omnes, quae hic occurrunt, nervorum fibrillae, nec maiores nec minutiores, sed ad veram magnitudinem singulari studio expressae sunt.
Quare et his nervis, quod primus docui et in §. 11 5 . Neurologiae fusius demonstravi, manifesto confirmatur: „filamenta nervorum non cylindrica, sed ab encephalo „ inde conica esse, ita quidem, ut extremitas centralis seu apex cerebralis coni , et