i4
EXPLICATIO
TABULAE SECUNDAE.
T*abula haec universe illustrat naturam palpebrarum.
Speciatim proponit supercilia, cilia, musculum, qui palpebras claudit, nervos, arterias venasque palpebrarum , ac organa, quae lacrymis tam secernendis, quam secretis iisdem et officio suo defunctis a palpebris derivandis inserviunt.
Figura prima.
Musculus palpebras contrahens , seu sphincter palpebrarum lateris sinistri e viro adulto.
Musculus hic, qui non solum bulbum obvelando tuetur, sed etiam purgandae a sordibus corneae eiusque splendori prospicit, tanti, ut hic vides, ambitus est, ut longe extra margines orbitae osseae porrigatur.
Fibrae eius ellipticam omnino directionem habent. Quae internum oculi canthum circumiacent, et ligamento palpebrarum affixae sunt, fibrae condensatae seu stipatae magis, sed angustiores apparent fibris, quae canthum externum circumeunt, et tenuiores subtilioresque , sed latiores inveniuntur.
Ex hoc fibrarum situ intelligitur, musculum non posse multum agere seu contrahi , quin supra frontis cutem, et infra genae cutem simul intendat.
Per eundem musculum, dum fibrae eius , quo hic vides , modo , crispatae coeunt, palpebrae ad se invicem adducuntur, et globus oculi obvelatur.
Cum musculus hic planior delineari soleat , formam eius peculiarem umbra tecte interposita distinctius exprimi curavi ; quare illum non solum bulbo oculi, sed etiam orbitae applicari, vel obiter intuenti facile patebit.
a, b. Apertura palpebrarum clausa, a. Internus aperturae angulus, b. Externus angulus.
c . Ligamentum tendineum , quod palpebras in cantho interno iungit, et
processui nasali maxillae superioris affigit.
d. Fasciculi fibrarum huius musculi crassissimi, qui superne circa os frontis,
statim supra os lacrymale , et nasali superioris maxillae processui adhaerent.