3
e
pei
inter-
even- s vel
Effec-
COD'
it
OtffllW
Aces'
prod'
Ut facilius haec memoria retineantur, hac formula utamur: Polus super quem intrat electricitas negativa ad occidentem, infra quem ad orientem vertitur.
Si filum conjungens in plano horizontali ita vertitur, ut cum meridiano mag- netico angulum sensim sensimque crescentem formet, declinatio acus magneticae augetur, si motus fili tendit versus locum acus deturbatae; sed minuitur, si filum ab hoc loco discedit.
Filum conjungens in plano horizontali, in quo movetur acus magnetica, opp sacomatis aequilibrata, situm, et acui parallelum, eandem nec orientem nec occidentem versus deturbat, sed tantummodo in plano inclinationis nutare facit, ita ut polus, penes quem ingreditur in filum vis negative electrica deprimatur, quando ad latus occidentale, et elevetur, quando ad orientale situm est.
Si filum conjungens perpendiculare ad planum meridiani magnetici, vel supra vel infra acum ponitur, haec in quiete permanet; excepto si filum sit polo admodum propinquum: tum enim elevatur polus, quando introitus fit a parte occidentali fili, et deprimitur quando ab orientali fit.
Quando filum conjungens perpendiculare ponitur e regione polo acus magne- ticas, et extremitas superior fili electricitatem a termino negativo apparatus galvanici accipit, polus orientem versus movetur; posito autem filo e regione puncto inter polum et medium acus sito, occidentem versus agitur. Quando extremitas fili superior
filectrieitate m ft termin o, posit ivo accipit, hoc no mena myoraa occurmuL ,_
Si filum conjungens ita flectitur, ut ad ambas flexurae partes sibi fiat parallelum, aut duo formet crura parallela, polos magneticos pro diversis rei conditionibus repellit aut attrahit. Ponatur filum e regione polo alteriutri acus, ita ut planum crurum parallelorum sit ad meridianum magneticum perpendiculare, et conjugatur crus orientale cum termino negativo, occidentale cum positivo apparatus galvanici; quibus ita instructis, polus proximus repelletur, vel ad orientem vel ad occidentem pro situ plani crurum. Conjuncto crure orientali cum termino positivo et occidentali cum termino negativo, polus proximus attrahitur. Quando planum crurum ponitur perpendiculare ad locum inter polum et medium acus, iidem, tantummodo inversi, occurrunt effectus.
Acus ex orichalco, ad instar acus magnetieae suspensa, effectu fili conjungentis non movetur. Etiam acus ex vitro, vel ex sic dicto gumini lacca, simili experimento subjectae in quiete manent.
Ex his omnibus momenta quaedam ad rationem horum phaenomenorum reddendam afferre liceat.
Conflictus electricus non nisi in particulas magneticas materiae agere valet. Videntur omnia corpora non-magnetica per conflictum electricum penetrabilia esse;
\