35
§. 42. Semel tantum longiorem viam iniimus, qua situm Maculae ad Aequatorem ceterasque Maculas accuratius determinaremus. Quod de amplissima Macularum 25 Dec. 1826 observatarum, margini solis propiorum, quas in Im. A. circa gradum 220 ex periodo septima vides, fecimus, propterea quod observationes usque ad 30 Dec. coelo nubibus obducto cessari oportuerat, et ipsa hujus 30 Dec. observatio Maculas jam quasi inveteratas sive decrescentes monstrabat. Istum enim Macularum coetum, quum in plaga Maculis satis vacua contineretur, decimaque periodo (in Im. B.) non quidem eodem plane loco, sed sic apparuissent Maculae, ut ad eundem coetum pertinere facile censerentur, accuratissime ac diligentissime definiri intererat. Utrobique (et in Im. A et B) duae discernuntur coetus partes, altera Aequatori propior altera remotior, velut montium tractus, aut, si contrarium magis placeat, profundior vallis eas separet, recta lineae ab regione. Istas Maculas nec ante septimam, nec inter hanc et decimam periodum apparuisse certo confidendum est (cf. supra §. 16.). Periodo 11 et 12 denuo quidem istarum nonnullas vides ab Aequatore remotiores, sed amplitudine sensim decrescentes. Sin periodum 7 et 10 tantum respicias, Maculas a parte australi et occidentali septentrionem et orientem versus progressas arbitraberis.
Via igitur ac ratio, quam ad situm iniimus accuratius determinandum, haec est.
Sit (Fig. 7.) igitur punctum q in observationis circulo, quod determinari postuletur. Ex centro C duc lineam rectam Cq , quam ad r. punctum in ambitu protrahas. Quo facto angulus rCE idem erit qui in solis globo duobus Circulis Maximis formatur, ex hemisphaerii terrae obversi puncto altis- simo C exeuntibus, quorum alter per q punctum transeat, alter secundum Eclipticam CE ductus sit. Hunc angulum metire. Sit <* graduum. Metire porro lineas Cq et Cr. Si nota fi signes arcum, quo in solis globo q punctum distet a puncto C, erit
a) = Sin. fi.
Iam cogitato Circulo Maximo TqV per punctum q , qui secet Circulum Maximum ECL in p\ qCp repraesentabit Triangulum Sphaericum Rectan- gulum, cum angulo recto Cpq , cujus angulus cc et arcus Cq = fi sunt notae