DE TABULIS MACULARUM SOLIS ICONOGRAPHICIS.
PARS POSTERIOR.
TRADITUR, QUOMODO MACULAE EX OBSERVATORIS DIARIO IN COMMUNES IMAGINES
SINT TRANSLATAE.
^ 26. Sit AAA (Tab. II. Fig. 2.) circulus cum lineis rectis et transversis A A et centro C ab ipso observatore descriptus, qui discum solis repraesentet et insuper Maculas contineat ab eodem observatore pictas. In diario Soemmerringii V. I. eadem est magnitudo, quae istic; sed situs est inversus, quum in diario illo talis sit, qualis per Telescopium conspiciatur, in ista autem figura, qualis in coelo ipso appareat.
§. 27. Jam ad Maculas in nostram imaginem transferendas
Primo indicabamus extremis tantum partibus lineam Horizontalem OW et Verticalem NS, utramque per centrum disci C transeuntem.
Deinde per idem centrum C ducebamus lineam Eclipticam DC, ad eam- que erigebamus in ipso C perpendiculum VT. Cf. infra §. 29. sqq.
Tertio determinabamus in linea VT punctum D , quo solis Aequator a linea VT secaretur. Cf. infra §. 37. sqq.
Quarto ducebamus per punctum D lineam rectam MR , ad illud perpendiculum VT inclinantem eodem angulo, quo solis Meridianus, per D punctum transiens, inclinaret ad idem perpendiculum VT. Cf. infra §. 39. sqq. Ista linea MR satis vere repraesentare potest solis Meridianum per id punctum Aequatoris tractum, quod ipso observationis tempore in hemisphaerio terrae obverso maxime est elatum. Quum certus solis locus in hunc Meridianum
4