6o
Lacertae Monitoris oculus»
Oculus Lacertae Munitoris junioris tam habitu totali, quam proportione partium oculo avis aquaticae, e. g. cygni, similior videtur, quam oculo crocodili.
Bulbus ante depressus; sclerotica albicans nigredine tamen choroideae pellucente obfuscata, tenuis, ante complanata, circa corneam annulo scutellis osseis composito satis lato validoque crassior et firmior redditur 3 4 ). Cornea parva ambitu circularis, densa, parum convexa.
Choroidea utrimque nigra, admodum crassa, praesertim in fundo oculi. ' Corona ciliaris angusta, maxima parte laevis, processus ciliares, quamquam brevissimi, tamen lentem tangunt. Iris plana, tenuis; pupilla pro parvo iridis ambitu ampla, circularis.
Nervus opticus gracilis recte accedens ad bulbum, cui paulum externe et inferne inseritur. Ex insertionis loco processus eminet fere cylindricus, membranaceus, nigro pigmento involutus, vitreum corpus penetralis lentique subtus affixus, stylum referens, quoad situm habitumque pectini avium omnino analogum, qui ramulos quoque arteriae centralis condere videtur. Circa basin hujus styli 'oritur retina admodum crassa, coriacea fere et densa, neque facile concidens, neque rugescens in oculo dissecto. Medullaris retinae lamina mftrgine obtusa prope coronam ciliarem manifeste terminatur.
\
Lens magna, ante complanata pone fere hemisphaerica, corneae proxima, humor aqueus inde perpaucus, neque multum vitrei.
In crocodilo annulum osseum et discum nigrum, primum quasi hujus styli vel pectinis rudimentum jam descripsi: in lacerta vulgari et in lacerta Iguana latiorem annulum osseum et processum vel stylum coniformem, atrum, erectum, lenti immediate vel ligamenti albi ope affixum, aeque ac in lacerta Monitore reperimus 3 ).
In lacerta Iguana praeterea processus fortior, latior, duas plicas efformans, pectini avium jam propius accedens: Oculus ejus quoque maxime memorabilis est, quod processus ciliares in crocodilo atque monitore adhuc satis conspicui, in eo quasi evanescant 4 ); corona enim ciliaris
3) Scleroticam in lacertis, avium more, anterius duram et osseam esse, jam observaverat Zinn Comment. soc. scient. Gotting. 1754. Tom HI. p. 191.
3) Hoc organon in Lacerta Iguana aliisque lacertis Viderunt TiEDEMaNN , Oppee und LieOscHiTZ Naturgeschichte der Amphibien. Heft. I. p. sg.
4) Processus ciliares deesse in lacertis quibusdam. Cuvier anat. comp. T. H. p. 599
et 588. Carus , Lehrbuch der Zootomie fig. 16. et 17. Lacertae Iguanae annulum