Praefatio,
Ophthalmiatmm mihi ex artis salutiferae partibus singulari
amore amplectenti, quum specimen studiorum esset edendum, vix aptius selegi posse videbatur thema, quam oculorum varias exhibere formas.
Visus enim, sensuum facile nobilissimi, organon, cum tantopere inter omnes fere alias corporis partes et elegantia, et subtilitate, et divinitate functionis emineat, ut penitiorem ejus structuram vix quemquam sine maxima summi rerum opificis admiratione contemplaturum existimem, hocce thema non modo gratissimum, sed utilissimum etiam inveniebam ad ulterius illustrandas partium oculi in statu sano functiones, aeque ac morbos earum melius cognoscendos felicius- que demum curandos.
Equidem cum animadverterem, oculorum animalium descriptiones plures exstare, quam icones, quarum bonae praeterea non nisi rarissimae diversis admodum libris dispersae, unam alteramve partem tantum exhibentes reperiuntur, pleniorem quantiimcunque possem comparationem oculorum non modo accuratis descriptionibus et exactis mensuris, sed imprimis tabulis, propria manu paratis, faciliorem reddere conabar.
2