20
etiam cum egregiis Walt er i iconibus adeo consentit, ut pars tabulae venarum facialium haberi possit.
Venae palpebrarum, si universas spectas, perinde se habent, ac plurimae corporis humani venae, nimirum ita,
ut multitudinis seu numeri earum recta ratio sit ad numerum arteriarum, ut arteriis crassiores seu ampliores nullae non inveniantur,
ut vel crassiores earum rami frequenti anastomosi uniantur, et retia seu plexus absque certo quodam ordine forment,
ut propius, quam arteriae, sub cute iaceant, ut minus, quam' arteriae, conicam formam habeant, ut planiores esse soleant, nisi sanguine fortuito turgeant, ut minus serpentino flexu, quam arteriae, incedant,
ut more venarum cutanearum, absque arteriis comitibus eant, et in truncos colligantur , qui vix pari passu cum truncis arteriarum decurrunt,
ut radiculae earum teneriores non, sicuti extremi surculi arteriarum, separatim dignosci et depingi possint; venae enim, ubi per arterias massa eiusdem coloris replentur, a subtilioribus his non facile possunt distingui; sin venarum radiculas per suos truncos reples > plerumque iniecta massa statim et ad arterias transit, ut limites utrinque confundantur.
Quam ob caussam nec venae ea subtilitate depingi poterant, qua arteriae in Figura tertia.
In palpebris amplis et teneris, praecipue infantum et foeminarum dormientium elegans hoc venarum rete cutem translucet.
Ex hac icone optime intelligitur, quam facile sanguis a palpebris recedere, et quaquaversum dilabi possit; siquidem circa palpebras magni trunci positi sunt, qui circulum quasi formant, cui venarum radiculae inserantur.
Distincte etiam videre licet, crebris ramorum minorum ac maiorum inosculatio- nibus effici, ut sanguinis circuitus nullibi haereat.
Caeterum venarum iter in sequenti explicatione secundum sanguinis cursum, id est a surculis ad truncum, describam.
Palpebrarum venae, quae primis suis radicibus ex arteriis capillaribus ad certum gradum extenuatis nascuntur,
a. a . a . remotissimae apparent circa margines palpebrarum,
b. b. b. frequentissima anastomosi in rete coeunt; et in trunculos congregatae trun
cis committuntur, qui palpebras ambiunt, nempe x
c. c . c. venae faciali,