Ius lineae OW accommodandus sive angulus, quo Ecliptica inclinat in lineam horizonti parallelam, = -f 9° 56' — 5° 19' = -f 4° 37', ubi nota + indicat, lineam Eclipticam EL per C centrum ita esse ducendam, ut circuli circumferentiae in quodam puncto E infra O occurrat.
De linea Ecliptica per circulum observationis ducenda satis diximus. Longius hanc rem tractat Christophorus Scheiner in vasto opere, quod Rosa Ursina inscribitur.
§. 37. Ducta jam linea Ecliptica per circulum observationis, ipse solis Aequator determinandus est; quod (§. 27. tertio, sqq.) ea, quae expeditissima et ad Maculas in imaginem communem transferendas satis accurata sit, ratione ita prodidimus faciendum, ut omnium primum in linea VT (Fig. 2.), quae Eclipticam EL ad angulos transeat rectos, determinetur punctum Z>, quo solis Aequator a linea VT secetur.
Sit igitur (Fig. 6.) QMUR circulus, qui solis hemisphaerium apparens ab opposito separat tempore eo, quo solis Polus alter idemque borealis nobis occidit et alter australis nobis oritur; quod fere fit initio Decembris. Sit M Polus ille borealis et R australis, uterque versans in circulo QMUR . Ergo solis axis esset linea recta, quae ex M ad R duceretur. Repraesentet porro QNU Aequatorem in ipso solis globo tractum, etENL lineam Eclipticam.— Ergo est N id punctum, in quo Ecliptica et solis Aequator se secant invicem ; qui Nodus utriusque dicitur. Sint deinde V et T puncta in solis globo, quibus linea recta determinetur, quae in centro solis per planitiem Eclipticae perpendiculo transeat. Haec puncta semper sunt in margine disci solis, sive in circulo, qui hemisphaerium apparens sejungit ab altero; ergo nunc quoque erunt in circulo QMUR. Sit denique D in solis Aequatore punctum quoddam; et MLR circulus Maximus, quippe cujus per arcus, quum Aequatorem secet ad angulos rectos, Macularum Declinationes, sive, quibus ab Aequatore absint, distantiae mensurentur, istic Eclipticae EL occurrens in puncto F; nec minus VDT circulus Maximus, Eclipticam EL secans in C puncto ad angulos rectos.
Quaeritur, quantus sit arcus CL , si in Triangulo NCL Sphaerico Rectan- gulo datus sit arcus NC et angulus LNC. Aequat autem arcus NC differentiam Longitudinis Heliocentricae punctorum N et C; et angulus LNC