7
Rependis: evoe! sume superbiam, Frontem corona, dirige splendidos Currus tui victoris, aether
Dum sonat ingeminante plausu.
Clamore fausto, fulgida laureis Arma implicantes, prosequimur cohors Nos imperatorem fidelis,
Dicere vota precesque laeti.
Sed cogitanti quid subiti accidit In omnium isto, mens, tibi gaudio? Tanto in choro desiderare
Num poteris tibi quem videri?
Mortalium res, heu! fuga temperat: Non celsa durant, non radiantia Ortuque formaque; una virtus Post cineres sua dona servat!