Struthionis cameli oculus.
53
Struthio camelus aves inter omnes milii notas absolute maximo gaudet oculo, equino non magnitudine solum, sed habitu etiam externo et proportione partium quam simillimo, reliquis avibus quoad oculum a quadrupedibus multo magis differentibus. Palpebrae autem nudae, admodum mobiles, setis nigris, acutis, rigidissimis, ciliarum adinstar, in margine praediti, humanarum palpebrarum aliquam speciem prae se ferunt. *)
Bulbus subglobosus, circa corneam paululum complanatus. Sclerotica pro amplitudine tenuis, priora et posteriora versus crassior, quam circa aequatorem globi, duabus praesertim laminis facile separabilibus conflata. Lamina ejus exterior e vagina nervi optici oriens, fibrosa, alba, ad corneam usque extensa; lamina interior crassior, cartilaginea, e nigro coerulea, pellucida, elastica, prope nervum opticum et annulum osseum margine rotundata distincte terminata.
Annulus osseus, bulbi ratione habita angustus, complanatus, externe lamina alba fibrosa, interne membrana tenui, fusca e lamina cartilaginea procedente tegitur; ante ligamento annulari nigro, firmo, corneae inargine connectitur. Cornea magna rotunda, admodum prominens, crassa et firma; superficies ejus interna vix amplior externa.
Choroidea tenuis, atra; corona ciliaris lata; plicae ciliares admodum prominentes numerosae, versus lentem pauciores, crispae, undulatae, abeunt in processus ciliares longos, validos, crassiusculos, pigmento atro tanquam lamina propria satis densa involutos, qua ablata albissimi cernuntur. Circulus ciliaris scleroticae tam arcte adhaeret, ut canalis Fontanae plane nullus appareat.
- Iris badia, fere plana, crassiuscula, coriacea, cum choroidea firmiter connata. Uvea aterrima; pupilla circularis.
Nervus opticus satis crassus ad latus externum scleroticae inseritur; oblique bulbo accedens. 2 )
Basis pectinis quasi patellam refert, albam, ovalem, lineas octo longam et quinque latam, crassam, a choroidea, supra quam eminet, retina interposita, distincte disterminatam.
i) M^moires pour servir ä 1 ’hist. nat. des. anim, T. II. p. 280. Strutionis cameli oculus cum oculo humano a Perrault comparatur observante jam Aristotele Struthionem medium tenere quadrupeda inter et aves.
55) Non interne ut apud Haller El. Phys. L. XVI. Sect. IL §. 3- ubi Parisini citantur.
14